Росгвардия Алтай Республиканыҥ улузына олордо јасактыҥ ээжилери аайынча эмес чеберлелип турган мылтыктарды ла ок-тарыны бойыныҥ кӱӱниле табыштырзын деп баштанат.
Росгвардияныҥ Алтай Республика аайынча башкартузы МВД-ла кожо «Мылтык-јепсел» деп операция ӧткӱрет. Ол ӧдӧр тушта улус јасактыҥ ээжилери аайынча эмес чеберлелип турган мылтыктарды, ок-тарыны, от-алыжар не-немелерди бойыныҥ кӱӱниле табыштырып ийер аргалу. Олорды табыштырганы учун акча тӧлӧлӧр:
1) кырлу мылтык, ол тоодо бойы эткен, кырлу мылтык деп темдектелген мылтык учун — 8000 салковой;
2) кырлу эмес мылтык, ол тоодо бойы эткен, кырлу эмес деп темдектелген мылтык — 6000 салковой;
3) тийгизе адар аргазы кирелӱ мылтык — 3000 салковой;
4) газту мылтык, сигнальный мылтык — 2000 салковой;
5) мылтыктыҥ тӧс бӧлӱктери (затвор, барабан, рамка, ствольный коробка) — 700 салковой;
6) бастыра калибрлердиҥ патрондоры, оок калибрдийинеҥ, холостойынаҥ, газовыйынаҥ, табыш эдеринеҥ ӧскӧзи — бир патрон учун 10 салковой;
7) оок калибрлӱ, адарына јараар патрон — бирӱзи учун 5 салковой;
8) гранаталар, миналар, снарядтар, выстрелдер (ӱредӱлик ле имитационныйынаҥ ӧскӧзи) — бирӱзи учун 7000 салковой;
9) бойы эткен от-алыжар јазал — бирӱзи учун 1000 салковой;
10) тротил ле от-алыжар ӧскӧ дӧ јуучыл веществолор, ол тоодо тротилдӱ, гексогендӱ, тетранитропентаэритриттӱ веществолор — 3000 салковой (100 граммы учун);
11) аммиачный селитрлӱ, промышленный учурлу от-алыжар вещество — килограммы учун 3000 салковой;
12) запалдар, детонаторлор — бирӱзи учун 300 салковой;
13) детонирующий шнур — 300 салковой (1 погонный метри учун).
Технический јанынаҥ ӱрелип калган, тузаланарына келишпес мылтык ла патрон, анайда ок мылтыктыҥ тузаланарына келишпес бӧлӱги учун тӧлӧйтӧн акчаныҥ кеми ӧрӧ адалган кеминеҥ 50 процент болор.
Мылтыкты акчазын тӧлӧттиртип табыштырары јанынаҥ суракла Росгвардияныҥ Алтай Республика аайынча башкартузыныҥ лицензионно-јараду иш аайынча тӧс јерине мындый суруула баштанар: Горно-Алтайск кала, Коммунистический проспект, 159/1; республиканыҥ аймактарында — Росгвардияныҥ лицензионно-јараду иш аайынча тергеелик бӧлӱктерине ле полицияныҥ бӧлӱктерине.
Јартамалды телефон ажыра алар арга бар: 8 (38822) 6-45-99.